نكت سريعة ولذيذة ..... !! هاهاها

بسم الله الرحمن الرحيم

مسطول قابل واحد صاحبه متغاظ من امريكا، المسطول حب يهدي صاحبه، قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو .

هاهاها

عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!

هاهاها

اتنين محششين بيتفرجو على ماتش فالمزيع بيقول 'دربكه فى الدفاع، دربكه فى خط الوسط، دربكه فى الهجوم، أوبااااا جوة الجون' فالمحشش قال لزميله 'إلظاهر ان دربكه ده لعيب ميه ميه'

هاهاها

مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح التانى مسكها وبص فيها وقاله إيه يا عم انت مسطول؟ ده انا ؟؟؟

هاهاها

اتنين مساطيل طالعين في الأسانسير واحد بيقول للتانى 'هو الاسانسير بطىء كده ليه؟' قاله 'يمكن طالع على السلم' !!!!!!!!!!!!

هاهاها

محشش قالو له ايه رأيك في الزواج المبكر قال يعني الساعه كام ؟

هاهاها

نمله ماتت على الشط فبيسألو مسطول تعتقد ليه ماتت؟ قال ضحايا تايتنك .

هاهاها

مسطول بيسأل واحدة اسمك إيه قالت له أسماء قالها ما فيش اسم محدد !!

هاهاها

جماعه قاعدين فى غرزه فالبوليس هجم عليهم وكان معاهم عيل صغير فدخل الظابط وحب يستظرف شويه فبيسأل الواد الصغير'و الشمام الصغير اسمه اييييييه؟' قاله'كانتلوب' !!

هاهاها

خروف بيسأل خروف 'مر عيدين ومذبوحكش ليه؟' قال اصل انا متسجل في شهادة الميلاد حمار ..!!

هاهاها

مره صرصار طلع من الخلاط قال يخرب بيت إللى يدخل الملاهى تانى

هاهاها

حمار شاف حصان قال اخ لو اني مخلص الثانوية !

هاهاها

حمار بيقول لخطيبته امتى هنتجوز ياحمارة قالت له لما تحسن الفاظك ياحيوان .

هاهاها

واحد ركب اتوبيس.. جاله الكمسرى بيقول له تذاكر ... قال له امين شرطه..... سابه وراح للى جانبه قال له: تذاكر ... قال له: أبراهيم شرطه .

هاهاها

مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى !!

هاهاها

مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلا وقاله لما 'بكون واقف فى المحل مع ابويا ينابيع يا ابويا يبيع ' !!

هاهاها

واحد راح مطعم في فرنسا.... كان عايز يطلب شوربه قال للجرسون ( جارسوه عايز واحد شوربوه )
فالجرسون قاله باردون؟
قال الراجل لا سوخنون

هاهاها

-النمر كان كل ما يشوف الأرنب يضربه و يقول له انت ودانك طويلة كده ليه فالأرنب راح اشتكى للأسد فالأسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات جزر أحمر و لو جاب جزر احمر قوله هات أصفر ، النمر قال للأرنب عاوز جزر الأرنب سأله أحمر ولا أصفر قام النمر ضربه و قال له انت ودانك طويله كده ليه ؟؟؟؟؟؟؟؟؟

هاهاهاهاهاهاهاهاهاهاهاه